काठमाडौं । नेपालमा लीपमोटरको आधिकारिक वितरक सांग्रिला मोटर्स प्रालिले थाइल्यान्डमा आयोजित लीपमोटर ग्लोबल डिलर मिटमा ‘उत्कृष्ट लीपमोटर वितरक इन्डिया एन्ड एसिया प्यासिफिक’ पुरस्कार प्राप्त गरेको छ ।
यो अवार्ड भारत र एसिया–प्यासिफिक क्षेत्रमा लीपमोटर नेपालले बिक्री, ग्राहक सेवा र ब्रान्ड विकासमा उत्कृष्ट प्रदर्शन गर्नेलाई प्रदान गरिएको हो ।
सम्मानले बजार विस्तार, ग्राहक सेवा र ब्रान्ड स्थापित गर्नमा सांग्रिला मोटर्सको उल्लेखनीय उपलब्धिलाई उजागर गर्दै कम्पनीको उपस्थितिका लागि नयाँ मापदण्ड स्थापित गरेको कम्पनीको भनाइ छ । यो अवार्ड कम्पनीले यस क्षेत्रभर उन्नत विद्युतीय सवारी प्रविधि र नवीनतम गतिशील समाधानहरू प्रस्तुत गर्दै आफ्नो विस्तारलाई निरन्तरता दिइरहेको महत्वपूर्ण समयमा प्राप्त भएको हो ।
हाङ्जाउ, चीनमा मुख्यालय रहेको लीपमोटर प्रविधिमुखी इन्टेलिजेन्ट विद्युतीय सवारी ब्रान्ड हो । कम्पनीले सवारी डिजाइन, अनुसन्धान तथा विकास, उत्पादन, इन्टेलिजेन्ट ड्राइभिङ र भेइकल कनेक्टिभिटी समाधानमा विशेषज्ञता रहेको छ ।
लीपमोटरले एसिया–प्यासिफिक, युरोप र अन्य प्रमुख बजारहरूमा द्रुत रूपमा विस्तार गर्दै स्मार्ट, दिगो र कनेक्टेड मोबिलिटी समाधानहरू विश्वभरका ग्राहकहरूलाई उपलब्ध गराइरहेको छ ।




















प्रतिक्रिया