विराटनगर । मोरङका ११८ जना उम्मेदवार मध्ये ६ जनाले उम्मेदवारी फिर्ता लिएका छन् ।
फागुन २१ गते हुने प्रतिनिधि सभा निर्वाचनका लागि माघ ६ गते मनोनयन गरेका ६ जनाले उम्मेदवारी फिर्ता लिएका हुन् ।
जसमा मोरङ क्षेत्र नम्बर १ बाट जनता समाजवादी पार्टी नेपालका उम्मेदवार दुर्गाप्रसाद दर्लामीले उम्मेदवारी फिर्ता लिएका छन् ।
यस्तै मोरङ क्षेत्र नम्बर ३ बाट तीन जना स्वतन्त्र उम्मेदवारले नाम फिर्ता लिएका छन् ।
मोरङ क्षेत्र नम्बर ६ बाट नेपाल मजदुर किसान पार्टीका तिलकराम राजवंशी र स्वतन्त्र उम्मेदवार राम खत्रीले पनि उम्मेदवारी फिर्ता लिएका छन् ।
योसँगै मोरङका ६ निर्वाचन क्षेत्रमा २६ दलका ८७ जना र २५ जना स्वतन्त्र गरी ११२ जना उम्मेदवार कायम भएको छ ।
प्रतिक्रिया