६९५१ जना कोरोना संक्रमित थपिँदा ९८४१ संक्रमणमुक्त, ९६ जनाको मृत्यु

पछिल्लो २४ घण्टामा कोरोना संक्रमित थपिनेभन्दा कोरोना संक्रमण मुक्त हुनेको संख्या बढी देखिएको छ । यस अवधिमा देशभर ६ हजार ९५१ जना संक्रमित थपिएका छन् । 

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभरका विभिन्‍न अस्पतालहरुबाट नौ हजार ८४१ जना कोरोना संक्रमणमुक्त भएका छन् । 

त्यस्तै, देशभर ९६ जनाको कोरोना संक्रमणबाट मृत्यु भएको छ । 

देशभर कोरोना संक्रमितको संख्या पाँच लाख ४९ हजार १११ पुगेको छ भने सात हजार४७ जनाको मृत्यु भएको छ ।