Logo

खेलकुद

न्यूक्यासलको नयाँ डिजाइनको जर्सी ‘लिक’



काठमाडौं । प्रिमियर लिग क्लब न्यूक्यासलले नयाँ सिजनका लागि नयाँ जर्सीको डिजाइन लिक भएको छ । जसमा हाल प्रयोग गरिरहेको भन्दा पुरै फरक डिजाइनको जर्सी लिग भएको हो ।

क्लबले नयाँ जर्सीलाई सार्वजनिक भने गरेको छैन । तर क्लबको ब्यवस्थापनले यसलाई नै फाइनल डिजाइन भनेर पारित गरेको बताइएकोछ ।  

हाल कालो र सेतो रंग प्रयोग गरिरहेको न्यूक्यासललाई साउदी अरबीयन लगानीकर्ता भित्रिएपछि जर्सीको रंग नै परिवर्तन गरेको छ ।

तीन सय पाँच मिलियन पाउण्डमा साउदीका राजकुमार बीन सलमानको लगानी रहेको न्यूक्यासलले नयाँ सिजनका लागि हरियो र सेतो रंग प्रयोग गरेर नयाँ जर्सी लगाउने तयारीमा छ । 

साउदी अरबियन लगानीकर्ताले न्यूक्यासलको ८० प्रतिशत सेयर खरिद गरिएको छ । नयाँ जर्सीमा क्लबको लोगो पनि हरियो बनाइएको छ । क्लबले साउदी अरेबीयाको राष्ट्रिय टिमको रंगलाई प्रयोगमा ल्याएको छ । 

क्लबको जर्सीको बिक्रि साउदीमा कति हुन्छ भन्ने पनि क्लबको चासो रहेको छ ।

यतिमात्र होइन अर्को सिजन अगाडी न्यूक्यासलले टिमलाई नयाँ स्वरुप दिने योजनापछि बनाएको छ । तर त्यसकालागि उसको मुख्य चुनौती खेलाडीमा खर्च गर्न पाउने रकममा रहेको छ ।

प्रिमियर लिगको नियम अनुसार न्यूक्यासलले नयाँ सिजका लागि पाँच खेलाडीमा ९४ मिलियन पाउण्ड खर्च गर्न पाउनेछ । 

तर नयाँ लगानीकर्ता भित्रिएकाले क्लबले कतै नियम भन्दा बाहिर गएर खर्च गर्ने होकी भन्ने चिन्ता फुटबल पण्डितको छ । एजेन्सी

प्रकाशित मिति : बैशाख ३०, २०७९ शुक्रबार  १ : ०३ बजे