Logo

अर्थ

आईसीएफसी फाइनान्सद्वारा लाभांश घोषणा



काठमाडाैं । आईसीएफसी फाइनान्स लिमिटेडले आर्थिक वर्ष २०७८/७९ का लागि लाभांश प्रस्ताव गरेको छ । कम्पनी सञ्चालक समितिको हिजो मंसिर १४ गते बैठकले उक्त आर्थिक वर्षको मुनाफाबाट सेयरधनीहरुलाई २०७९ असार मसान्तसम्म कायम चुक्तापुँजी १ अर्ब १२ करोड ७१ लाख १५ हजार २०० रुपैयाँ कुल १० प्रतिशतले हुन आउने ११ करोड २७ लाख ११ हजार ५२० रुपैयाँबराबरको लाभांश वितरण गर्ने प्रस्ताव गरेको हो।

प्रस्तावित लाभांशमा ५ प्रतिशतले हुन आउने ५ करोड ६३ लाख ५५ हजार ७६० रुपैयाँबराबरको बोनस सेयर र ५ प्रतिशतले नै हुन आउने ५ करोड ६३ लाख ५५ हजार ७६० रुपैयाँबराबरको नगद लाभांश (करसहित) छन्। प्रस्तावित लाभांश नेपाल राष्ट्र बैंकको स्वीकृतिपछि आगामी वार्षिक साधारणसभाबाट अनुमोदन गरी वितरण गरिने कम्पनीले जनाएको छ।

प्रकाशित मिति : मंसिर १५, २०७९ बिहीबार  ११ : ३९ बजे

27
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई [email protected] मा लेखी पठाउनुहोला ।