घट्यो सुनको मूल्य

काठमाडौं । आज (शुक्रबार) पनि सुनको मूल्य घटेको छ । आज सुनको मूल्य तोलामा ५०० रुपैयाँले घटेको नेपाल सुनचाँदी व्यवसायी महासंघले जनाएको छ । योसँगै छापावाला सुन प्रतितोला १ लाख ९ हजार २०० रुपैयाँ र तेजाबी सुन १ लाख ८ हजार ७०० रुपैयाँ कायम भएको छ ।

हिजो बिहीबार पनि सुनको मूल्य तोलामा ३०० रुपैयाँले घटेको थियो । यो दिन छापावाला सुन प्रतितोला १ लाख ९ हजार ७०० रुपैयाँ र तेजाबी सुन १ लाख ९ हजार २०० रुपैयाँमा किनबेच भएको थियो ।

आज पनि चाँदीको मूल्य स्थिर रहँदै तोलाको १ हजार ३७० रुपैयाँ नै कायम भएको छ । हिजो पनि मूल्य स्थिर रहँदै चाँदी १ हजार ३७० रुपैयाँमै कारोबार भएको थियो ।