Logo

अर्थ

बढ्याे सुनकाे मूल्य, कतिमा हुँदैछ कारोबार ?



काठमाडौं । साताको पहिलो कारोबारकाे दिन (आइतबार) नेपाली बजारमा सुनको मूल्य बढेको छ ।

आज सुनको मूल्य तोलामा ८०० रुपैयाँले बढेको नेपाल सुनचाँदी व्यवसायी महासंघले जनाएकाे छ । योसँगै छापावाला सुन प्रतितोला १ लाख १० हजार रुपैयाँ र तेजाबी सुन १ लाख ९ हजार ५०० रुपैयाँ कायम भएको छ ।

गत शुक्रबार सुनको मूल्य तोलामा ५०० रुपैयाँले घटेको थियो । यो दिन छापावाला सुन प्रतितोला १ लाख ९ हजार २०० रुपैयाँ र तेजाबी सुन १ लाख ८ हजार ७०० रुपैयाँमा कारोबार भएको थियो ।

आज चाँदीको मूल्य पनि तोलामा १५ रुपैयाँले बढेर १ हजार ३८५ रुपैयाँ कायम भएको छ । गत शुक्रबार स्थिर रहेकाे चाँदीकाे मूल्य १ हजार ३७० रुपैयाँमा किनबेच भएको थियो ।

प्रकाशित मिति : ७ जेष्ठ २०८०, आईतवार १२:०८   :  बजे

288
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।