एजेन्सी । राष्ट्रपति द्रौपदी मुर्मुले मंगलबार (जुन २०) दिल्लीको श्री जगन्नाथ मन्दिरमा पूजा गरेकी थिइन्, जुन तस्बिरलाई लिएर सामाजिक सञ्जालमा बहस सुरु भएको छ ।
राष्ट्रपति द्रौपदी मुर्मुले दिल्लीको हौज खासस्थित श्री जगन्नाथ मन्दिरको दर्शन गरेको तस्विर भाइरल भइरहेको छ । यो तस्विरलाई लिएर सामाजिक सञ्जालमा विवाद पनि उठेको हो ।
गएको जुन २० मा, उनको ६५ औं जन्मदिन र जगन्नाथ रथ यात्रा २०२३ को अवसरमा, राष्ट्रपति मुर्मु हौज खासको जगन्नाथ मन्दिर गए। त्यहाँ पूजा गर्दा उनको तस्बिर राष्ट्रपतिको आधिकारिक ट्विटर ह्यान्डलबाट पनि सार्वजनिक गरिएको थियो । ट्वीटरमा उनले रथयात्रा शुरु भएकोमा बधाई समेत दिएकी छिन् ।
यो तस्विरमा राष्ट्रपति द्रौपदी मुर्मु मन्दिरको गर्भगृहको ढोका बाहिर हात जोडेर उभिरहेकी छिन् र पुजारी भित्र पूजा गरिरहेका छन् । उनको गर्भगृह बाहिरबाट पुजा गरेको तस्विरलाई लिएर सामाजिक सञ्जालमा धेरैले प्रश्न उठाएका छन् । राष्ट्रपति द्रौपदी मुर्मुलाई अनुसूचित जनजाति समुदायबाट आएकाले मन्दिरको गर्भगृहमा प्रवेश गर्न नदिएको आरोप कतिपयले लगाएका छन् ।
सामाजिक सञ्जालमा केन्द्रीय मन्त्री अश्विनी वैष्णव र धर्मेन्द्र प्रधानको तस्बिर पनि ट्विट भइरहेका छन्, जसमा दुवैजना अलग–अलग समयमा मन्दिरको गर्भगृहमा पूजा गरिरहेको देखिन्छ । जब अश्विनी वैष्णव र धर्मेन्द्र प्रधानले गर्भगृहमा पूजा गर्न सक्छन् भने राष्ट्रपति मुर्मुले किन पूजा गर्न नहुने भनेर प्रश्न उठाइएको छ ।
धेरै ट्विटर प्रयोगकर्ताहरूले राष्ट्रपति द्रौपदी मुर्मुको यो तस्वीरको आलोचना गर्दै मन्दिर प्रशासनमाथि प्रश्न उठाइरहेका छन्। उनीहरुको तर्क छ कि राष्ट्रपति मुर्मुले यसअघि धेरै मन्दिरको गर्भगृहमा पूजा गरेकी थिइन तर यहाँ किन गर्न दिइएन ?
जगन्नाथ मन्दिरका पुजारी सनातन पाडीले तस्बिरका कारण उठेको विवादको सबैभन्दा पहिले निन्दा गरे। उनले मन्दिरमा पूजा गर्नको लागि प्रोटोकल छ भनेर जनताले पहिला सोच्नुपर्ने बताए । उनले सबै हिन्दु धर्मावलम्बीले मन्दिरमा जान पाउने बताए ।
मन्दिरको गर्भगृहमा पुजा गर्ने सम्बन्धमा सनातन पाडीले भने, ‘महाराजको रूपमा जसलाई हामीले वरण (आमन्त्रणा) गर्छौँ, उनीहरूले मात्र मन्दिरको गर्भगृहमा पूजा गर्न सक्छन्। छनोट भएकाले भित्र पसेर भगवानको अगाडी प्रार्थना र पूजा गर्ने र झाडी लगाएर फर्कनेछन् । राष्ट्रपति आफै मन्दिरमा भगवानको आशीर्वाद लिन आएकी थिइन्, कसरी भित्र जान्छिन, त्यही भएर भित्र पसिनन् ।
देशका पूर्वराष्ट्रपति रामनाथ कोविन्दसँग एउटा मन्दिरमा दुर्व्यवहार गरेको घटना सार्वजनिक भएको छ । राष्ट्रपति भवनले पनि यस विषयमा असन्तुष्टि जनाएका थिए तर मन्दिरले कुनै कारबाही गरेन ।

रामनाथ कोविन्द दलित समुदायबाट राष्ट्रपति बनेका थिए र मार्च २०१८ मा उनी पदमा हुँदा पुरीको प्रसिद्ध जगन्नाथ मन्दिरमा दुर्व्यवहार गरिएको थियो। मार्चमा घटेको घटना तीन महिनापछि जुनमा थाहा भयो । तर, अचम्मको कुरा भने राष्ट्रपतिले असन्तुष्टि व्यक्त गरेको र मन्दिर व्यवस्थापन समितिको बैठकमा छलफल भएको तीन महिना बितिसक्दा पनि मन्दिर प्रशासनले यस संवेदनशील विषयमा कसैलाई कारबाही गरेको छैन ।
देशको वर्तमान राष्ट्रपति द्रौपदी मुर्मु यस पदमा बस्ने पहिलो आदिवासी व्यक्तित्व हुन्। उनी ओडिशाको मयुरभञ्ज जिल्लाको कुसुमी ब्लककी बासिन्दा हुन्। उनको गाउँको नाम उपरबेदा हो र उनी ओडिशाको रायरंगपुर सिटबाट विधायक थिइन्। यसबाहेक उनी ओडिशा सरकारमा मन्त्री र झारखण्डको गभर्नर पनि भइसकेकी छिन् ।
सन् १९७९ मा भुवनेश्वरको रमादेवी महिला कलेजबाट बीए पास गरेकी द्रौपदी मुर्मुले ओडिशा सरकारमा क्लर्कको रूपमा आफ्नो व्यावसायिक करियर सुरु गरेकी थिइन्। त्यसपछि उनी सिँचाइ तथा ऊर्जा विभागमा कनिष्ठ सहायक थिइन् । पछिल्ला वर्षहरूमा उनी पनि शिक्षिका भइन्।
उनले रैरङपुरको श्री अरविन्दो इन्टिग्रल एजुकेशन एण्ड रिसर्च सेन्टरमा मानार्थ शिक्षकका रूपमा अध्यापन गराए। आफ्नो कामका दिनहरूमा, उनी एक मेहनती कर्मचारीको रूपमा चिनिन्थे।




















प्रतिक्रिया