Logo

अर्थ

गृहमन्त्री श्रेष्ठको घरमा वाणिज्य बैंकका सिइओहरुलाई ‘डिनर मिटिङ’को निम्तो



काठमाडौं । गृहमन्त्री नारायणकाजी श्रेष्ठले वाणिज्य बैंकका सीइओहरुलाई ‘डिनर मिटिङ’को निम्तो दिएका छन् । बैंकको ऋण नतिर्ने अभियान र कर्मचारीहरुलाई कालोमोसो दल्ने जस्ता गतिविधीले आजित बैंक र बैंकका सिइओहरुलाई बोलाएर चिनजानसँगै छलफल गरी सुरक्षाको प्रत्याभूति दिलाउने उद्देश्यले गृहमन्त्री नारायणकाजी श्रेष्ले सबै वाणिज्य बैंकका सीइओहरुलाई निजी निवासमा डिनरका लागि निम्तो दिएका हुन् । श्रेष्ठले आज शुक्रबार साँझ ७ बजे निजी निवासमा सबै बैंकका सीइओहरुलाई रात्रिभोजमा निम्ता गरेको गृहमन्त्रीको सचिवालयले जानकारी गराएको छ ।

पछिल्लो समय बैंकिङ क्षेत्रमा खराव कर्जाको मात्रा निकै बढेको छ । व्यवसायी एवं अभियन्ता दुर्गा प्रसाइँले बैंकबाट लिएको ठूलो रकम नतिर्ने भन्दै अदालतको अन्तरिम आदेश लिएर बसेका छन् ।यस्ता गतिविधीले बैंकहरुमा चुनौति सृजना भएको छ । कतिपय बैंकहरुले सुरक्षा निकाय र सरकारसँग सहयोग माग समेत गरेका छन् । यीनै विषयवस्तुहरुमा आधारित भएर अनौपचारिक रुपमा जानकारी लिने र सरकार बैंकहरुलाई परिआउँदा साथमा छ है भनेर सकारात्मक उर्जा दिने हेतुले अनौपचारिक कार्यक्रम राखिएको श्रेष्ठको निजी सचिवालयले जनाएको छ ।

 

प्रकाशित मिति : २२ असार २०८०, शुक्रबार १३:४१   :  बजे

432
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।