Logo

प्रमुख समाचार

बल प्रयोग गरेर बञ्चरेडाँडामा फ्यालियाे फाेहाेर



काठमाडौं । प्रहरीको स्कर्टिङबाट काठमाडौं उपत्यकाको फोहोर बञ्चरेडाँडामा लगेर विसर्जन गरिएकाे छ । शुक्रबार प्रहरीको स्कर्टिङमार्फत काठमाडौं उपत्यकाबाट फोहोर बोकेर गएका करिब १ सय २० वटा गाडी बञ्चरेडाँडा ल्यान्डफिल्ड साइट पुगेका हुन । स्थानीयले सिसडोलमा फोहोर बोकेर गएका गाडीलाई अवरोध गर्न खोजे पनि प्रहरीले बल प्रयोग गरेर भीड पन्छाएको थियो ।

स्थानीयहरूले १ साउनदेखि बञ्चरेडाँडाको ल्यान्डफिल्ड साइटमा फोहोर विसर्जन गर्न अवरोध गर्दै आइरहेका थिए । स्थानीयको अवरोधका कारण काठमाडौं उपत्यकाकाे फोहोर बोकेका कुनै पनि गाडी ल्यान्डफिल्ड साइट जान सकेका थिएनन् । बञ्चरेडाँडा र सिसडोलका स्थानीयहरुले विगतमा भएका सहमति कार्यान्वयन नभएको भन्दै साउनकाे सुरुबाटै फोहोर बोकेका गाडीहरुलाई बाटोमै रोकेका थिए ।

फाेहाेर बिसर्जन गर्न नपाउँदा काठमाडौंमा फोहोर व्यवस्थापनमा समस्या सिर्जना भइसकेको छ । २ साउनमा गएको ३० वटा फोहोर बोकेका गाडी बाटोबाटै फर्किएपछि फोहोर बोकेको गाडी काठमाडौंबाट जानै रोकिएको थियो ।

फोहोर बोकेर जाने गाडीलाई स्थानीयले अवरोध गरेपछि शहरी विकास मन्त्रालयले शुक्रबार प्रहरीको सुरक्षासहित फोहोरका गाडी बञ्चरेडाँडामा पठाएको हो ।

प्रकाशित मिति : ५ श्रावण २०८०, शुक्रबार १८:२३   :  बजे

102
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।