काठमाडौं । उद्योग तथा वाणिज्य र श्रम तथा उपभोक्ता हित समितिका सभापति अब्दुल खांन सुदूरपशिचम प्रदेशको केन्द्र कैलाली पुगेका छन् । चाडपर्वको मौका छोपेर हुनसक्ने विभिन्न कालोबजारी तथा आफूखुसी मूल्यवृद्धिको अनुगमनका क्रममा उनी त्यहाँ पुगेका हुन् ।
कैलाली पुगेर समिति सभापति खांनले कैलालीका सम्पूर्ण प्रदेश कार्यालयका प्रमुखहरू, प्रमुख जिल्ला अधिकारीसहित जिल्ला अन्य अधिकारीहरू तथा नेपाली उभोक्ता संरक्षण महासंघका प्रतिनिधिहरूसँग अन्तरक्रिया गरे । करिब ४ घण्टाको अन्तरक्रियामा चाडपर्वको समयमा हुनसक्ने कालोबजारी नियन्त्रणमबारे छलफल भएको उपभोक्ता संरक्षण महासंघका प्रतिनिधि चन्द्र साउदले जानकारी दिए ।
अन्तरक्रियापछि बजार अनुगमनसमेत गरिएको छ । साउदका अनुसार कैलालीको गेटा आरपी इन्डस्ट्रीजस्ता ठूला खाद्यवस्तु बिक्रीकेन्द्रमा समिति सभापति खाणसहितको टोलीले अनुगमन गरेको हो ।
अनुगमनमा समितिसभापति खांनसहित प्रदेश कार्यालय तथा जिल्लाका अधिकारीहरू र उपभोक्ता महासंघका १० प्रतिनिधि तथा सरोकारवालाको सहभागीता थियो ।
तस्बिरहरू:–
प्रतिक्रिया