काठमाडाैं । नेपालका चार दिने औपचारिक भ्रमणमा रहेका संयुक्त राष्ट्रसंघ (यूएन)का महासचिव एन्टोनियो गुटेरेस साेमबार (आज) पाेखरा पुगेका छन् । नेपाली सेनाको विमानमार्फत आज दिउँसो पोखराको पुरानो विमानस्थलमा अवतरण भएका उनलाई गण्डकी प्रदेशका मुख्यमन्त्री सुरेन्द्रराज पाण्डेसहितको टोलीले भव्य स्वागत गर्याे ।
मुख्यमन्त्री पाण्डेले सयपत्री फूलको माला र पोखरा महानगरका प्रमुख धनराज आचार्यले ढाकाटोपी पहिराएर महासचिव गुटेरेसलाई स्वागत गरेका थिए । उनको स्वागतमा प्रदेश सरकारका मन्त्री, जनप्रतिनिधि, सुरक्षा निकायका प्रमुखलगायत उच्चपदस्थ व्यक्तिहरू विमानस्थल पुगेका थिए ।
तिहारको छेकोमा पोखरा भ्रमणमा आएका महासचिव गुटेरेस सयपत्रीको माला र ढाका टोपीमा सजिँदा नेपालीपन झल्केको थियो ।
पाेखरा उड्नुअघि बिहान गुटेरेस ललितपुर पुल्चोकस्थित संयुक्त राष्ट्रसंघकाे कार्यालय पुगेका थिए । त्याहा पनि उनलाई भतगाउँले टाेली लगाइदिएर स्वागत गरिएकाे थियाे ।
तस्बिरहरू :










तस्बिर : रासस





















प्रतिक्रिया