सेयर बजारमा २८.६२ अंककाे वृद्धि

काठमाडौं । सेयर बजार दोहोरो अंकले बढेको छ। नेप्से परिसूचक २८.६२ अंकले बढेर २०२७.५१ को विन्दुमा उक्लिएको छ।

यो दिन नेप्सेमा सूचीकृतमध्ये ३२० कम्पनीका ९८ लाख ५५ हजार २८५ कित्ता शेयर ४ अर्ब ८ करोड ८८ लाख ५३ हजार ६६५ रुपैयाँमा किनबेच भएका छन्।

आज २१९ कम्पनीको सेयरभाउ बढेको छ भने २२ वटाको घटेको छ। आज ३ वटा कम्पनीको सेयरभाउ स्थिर रहेको छ। आज नेप्से उपसमूहमा रहेका सबै समूहमा हरियाली छाएको छ। सबैभन्दा बढी लघुवित्त समूह ३.४४ प्रतिशतले बढेको छ।

सीईडीबी हाइड्रोपावरको सर्वाधिक कारोबार भएको छ । आज यस कम्पनीको १५ करोड ८१ लाख रुपैयाँको सेयर कारोबार भएको छ ।