Logo

अर्थ

प्यारामाउन्ट मोटर्स र नबिल बैंकबीच साझेदारी



काठमाडौं । नेपालमा विद्युतीय गाडी वुलिङ्गको आधिकारिक बिक्रेता प्यारामाउन्ट मोटर्स प्रालिले आफ्ना समस्त ग्राहकहरुलाई उत्कृष्ट वित्तिय सुविधा उपलब्ध गराउन नबिल बैंकसँग औपचारिक साझेदारीको घोषणा गरेको छ ।

वुलिङ्ग बिङ्गो इभिमा रुचि राख्ने नेपाली ग्राहकहरुको पहुँचमा पुर्याउन र आर्थिक सहजता प्रदान गर्न यो सहकार्य गरिएको कम्पनीले जनाएको छ ।

चीनको गुआङ्सी, लिउझाउमा सन् १९२८ मा स्थापना भएको वुलिङ्गले सेनाका उपकरणहरू मर्मत गर्नेदेखि विमान, खेती गर्ने मेसिन र ट्रयाक्टरहरु उत्पादन गर्ने काम गरेको थियो। १९८० को दशकमा मित्सुबिशीसँग साझेदारी गर्दै वुलिङ्गले गाडी उत्पादनमा प्रवेश गरेको थियो ।

२०२० देखि २०२२ सम्म विश्वको सबैभन्दा धेरै बिक्री हुने सानो इलेक्ट्रिक कारको रुपमा ख्याति कमाएका यी गाडीहरु २०२३ को शुरुवातमा १.१ मिलियन भन्दा बढी बिक्री भएको थियो । आज वुलिङ्गले गुआङ्क्सी अटोमोबाइल समूह अन्तर्गत बिजुली र जीवाश्म इन्धन पिकअपहरु र व्यावसायिक सवारीहरु उत्पादन गर्दछ ।

यो साझेदारीसँगै वुलिङ बिङ्गो ईभी खरिद गर्न चाहनेले नबिल बैंकका वित्तीय सुविधा लिन सक्नेछन् । यसअन्तर्गत ७ वर्षसम्मको फ्लोटिङ ऋण र गाडीको मूल्यको ८० प्रतिशतसम्मको फाइनान्सिङ सुविधा समावेश रहेको विज्ञप्तीमा उल्लेख छ । ग्राहकहरूले ५ वर्षको लागि ९.९९ प्रतिशत र ७ वर्षको लागि १०.४९ प्रतिशतको स्थिर ब्याज दर वा आधार दर प्रिमियम मोडेलमा आधारित अस्थिर ब्याज दर (१-३ प्रतिशतको प्रिमियम र अघिल्लो तीन महिनाको औसत आधार दर) बीच छनोट गर्न सक्ने भनिएको छ ।

बैंकले व्यक्तिगत कर्जाका लागि भ्याट बिलको ८० प्रतिशतसम्म र फर्मका लागि ७० प्रतिशतसम्म फाइनान्सिङ गर्ने विज्ञप्तीमा भनिएको छ । यसको वित्तीय सीमा २५ लाख रुपैयाँ छ । अटो लोनको अवधि स्ट्यान्डर्ड लोन एड्मिनिस्ट्रेसन फिसहित अधिकतम ७ वर्षसम्म लम्बिन सक्ने भनिएको छ ।

वुलिङ्ग नेपाल र नबिल बैंक विद्युतीय सवारी साधन खरिद गर्ने प्रक्रियालाई सहज र लाभदायक बनाउँदै ग्राहकहरुलाई उत्कृष्ट सेवा र सुविधा प्रदान गर्न प्रतिबद्ध छ ।

प्रकाशित मिति : जेष्ठ २२, २०८१ बुधबार  ११ : ४८ बजे

15
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई [email protected] मा लेखी पठाउनुहोला ।