प्रधानमन्त्री ओलीविरुद्ध झापामा विरोध प्रदर्शन

झापा । प्रधानमन्त्री केपी शर्मा ओली व्यावसायिक कम्प्लेक्स ( बिजिनेश टावर) उद्घाटनको उद्घाटन गर्न गृहजिल्ला झापा पुगेका छन् । सोहि क्रममा प्रधानमन्त्री ओलीको विरोध गर्ने एक जना रास्वपा कार्यकर्ता पक्राउ परेका छन् ।

आइतबार झापाको मेचीनगर ७ इँटाभट्टामा रास्वपाका कार्यकर्ताले प्रधानमन्त्री ओलीविरुद्ध चर्का नाराबाजी गरेका हुन् । प्रदर्शनकारी ‘केपी ओली मुर्दावाद, राजनीतिक प्रतिशोध बन्द गर, प्रहरी दमन मुर्दावाद जस्ता नाराहरु लगाएर उनीहरूले बिरोध प्रदर्शन गरेका हुन् ।

बिरोध प्रदर्शन गर्ने क्रममा राष्ट्रिय स्वतन्त्र पार्टीका झापा क्षेत्र नं. ४ का सभापति शम्भु सुस्केरालाई प्रहरीले पक्राउ गरेको छ । उनलाई इलाका प्रहरी कार्यालय काँकरभिट्टामा राखिएकोछ ।