Logo

प्रमुख समाचार

सहमति र सहकार्यको माध्यमबाट संसदीय प्रक्रियामा सहभागी हुन रास्वपा र राप्रपालाई सभामुखको आग्रह



काठमाडौं । सभामुख देवराज घिमिरेले सहमति र सहकार्यको माध्यमबाट संसदीय प्रक्रियामा सहभागी हुन राष्ट्रिय स्वतन्त्र पार्टी (रास्वपा) र राष्ट्रिय प्रजातन्त्र पार्टी (राप्रपा)लाई आग्रह गरेका छन् ।

आज आइतबार बसेको प्रमुख पाँच दलका प्रमुख सचेतकहरूको बैठकमा सभामुखले संघीयता सम्बन्धी महत्त्वपूर्ण विधेयकमा संसद्का प्रमुख दलहरू अनुपस्थित हुनु सकारात्मक नभएको बताएका हुन् । सभामुखका प्रेस विज्ञ शेखर अधिकारीका अनुसार, सभामुख घिमिरेले भने, “सहमति र सहकार्यको माध्यमबाट संसदीय प्रक्रियामा सहभागी हुन रास्वपा र राप्रपालाई मेरो आग्रह छ। महत्त्वपूर्ण विधेयकमा संसद्का प्रमुख दलहरू छुट्नु राम्रो भएन।”

सभामुख घिमिरेले सङ्घीय निजामती सेवा विधेयक विद्यालय शिक्षा विधेयकजस्ता सङ्घीयतासँग जोडिएका विधेयकमाथिको छलफलमा सबै सहभागी हुने वातावरण बनाउन पनि दलहरूलाई अनुरोध गरे ।

पाँच दलका प्रमुख सचेतकहरूसँग सभामुखको बैठक अझै जारी छ । बैठक जारी रहँदा १ बजेका लागि बोलाइएको प्रतिनिधिसभा बैठक अझै बस्न सकेको छैन ।

प्रकाशित मिति : १५ असार २०८२, आईतवार १३:३५   :  बजे

39
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।