Logo

अर्थ

मेलम्ची खानेपानीको मुहान क्षेत्र जाने सडक स्तरोन्नति गर्न टेन्डर आह्वान



काठमाडौं । मेलम्ची खानेपानी आयोजनाको मुहान क्षेत्र (हेडवर्क्स)जाने सडक स्तरोन्नति गर्न बुधबार टेन्डर आह्वान गरिएको छ ।

मंगलबार सरकार र स्थानीयवासीबीच सहमति भएपछि भौतिक पूर्वाधार तथा यातायात मन्त्रालयअन्तर्गत चरिकोट सडक डिभिजन कार्यालयले मेलम्ची–अम्बाथान–मेलम्चीघ्याङ सडकखण्डको १७ किलोमिटर सडक तीन प्याकेजमा विभाजन गरी टेन्डर गरेको हो ।

सहमति अनुसार मेलम्ची खेलाको पानी २० कात्तिकदेखि सुरुङमार्फत काठमाडौं ल्याउने तयारी छ । सहमति कार्यान्वयनका क्रममा प्रभावित स्थानीयका माग सम्बोधन, राहत तथा क्षतिपूर्ति प्रक्रिया अघि बढाउने, बक्यौता रकम १५ दिनभित्र निकासा गर्ने र सडकका लागि रु २५ करोडको ठेक्का प्रक्रिया सुरु गर्ने निर्णय गरिएको छ ।

सहमतिमा खानेपानी, भौतिक पूर्वाधार मन्त्रालयका सचिवहरू, मेलम्ची खानेपानी विकास समितिका पदाधिकारी र स्थानीय सरोकारवालाको हस्ताक्षर छ । सहमति ऊर्जा, जलस्रोत तथा सिँचाइ मन्त्री कुलमान घिसिङको उपस्थितिमा भएको थियो ।

प्रकाशित मिति : २६ कार्तिक २०८२, बुधबार १३:०८   :  बजे

36
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।