सप्तरी । जनमत पार्टीका अध्यक्ष डा सीके राउतले आगामी प्रतिनिधि सभा निर्वाचन–२०८२ का लागि प्रतिबद्धता पत्र सार्वजनिक गरेका छन्।
सप्तरी क्षेत्र नं २ बाट उम्मेदवारसमेत रहेका उनले प्रतिबद्धता पत्र सार्वजनिक गरेका हुन् ।
डा राउतले आफ्नो पहिलो प्राथमिकता शान्ति सुव्यवस्था रहेको बताएका छन्।
विगतका दशकमा सप्तरीमा देखिएको डर, त्रास, असुली, अपहरण र गुन्डागर्दीको जंगलराज अन्त्य गर्ने उनले उद्घोष गरेका छन्।
आगजनी, लुटपाट र झुटा मुद्दा लगाउने प्रवृत्तिको अन्त्य गरी सबै जातजाति र समुदायका लागि अमनचैनको वातावरण बनाउने उनको मुख्य एजेन्डा छ।
राउतले पुनः निर्वाचित भएपछि अधूरा कामहरू पूरा गर्ने बताएका छन्। उनले राजविराज बसपार्क सञ्चालन, गजेन्द्र नारायण सिंह अस्पतालको नयाँ भवन सञ्चालन, रामराजा स्वास्थ्य विज्ञान प्रतिष्ठानको काम अघि बढाउने र राजविराज १३ स्थित मधेस कृषि विश्वविद्यालयको निर्माण सम्पन्न गर्ने प्रतिबद्धता व्यक्त गरेका छन्।
साथै, अलपत्र परेको कन्या छात्रावास र कोल्ड स्टोर निर्माणलाई पूर्णता दिने उनको योजना छ।
प्रतिक्रिया