काठमाडाैं । रिज लाइन इनर्जी लिमिटेडको आईपीओ बाँडफाँड भएको छ । कम्पनीले सर्वसाधारणका लागि जारी गरेको आईपीओ धितोपत्र बिक्री प्रबन्धक प्रभु क्यापिटलले काठमाण्डौमा रहेको होटल मार्कोपोलोमा आज बिहान बाँडफाँड गरेको हो ।
कम्पनीले गत माघ २८ गतेदेखि फागुन ४ गतेसम्म आम सर्वसाधारणका लागि ११ लाख ८० हजार २६० कित्ता सेयर जारी गरेको थियो ।
क्यापिटलकाअनुसार कम्पनीको आईपीओमा कुल २७ लाख २३ हजार ९१४ जनाले आवेदन दिएका छन् । यसमध्ये २५ लाख ३७ हजार ३०१ आवेदन सदर भएको छ ।
कुल सदर आवेदकमध्ये १ लाख १८ हजार २६ जनालाई १० कित्ताका दरले ११ लाख ८० हजार २६० कित्ता सेयर बाँडफाँड गरिएको छ । बाँकी आवेदकको हात भने खाली भएको छ ।
आईपीओको नतिजा मेरो सेयर तथा सिडिएस एण्ड क्लियरिङको वेबसाइटमार्फत हेर्न सकिनेछ ।
प्रतिक्रिया