सिन्धुली । प्रतिनिधिसभा निर्वाचनमा सिन्धुली क्षेत्र नम्बर–१ बाट रास्वपाका धनेन्द्र कार्की विजयी भएका छन् ।
रास्वपाका कार्की १६ हजार ६५९ मत ल्याए निर्वाचित भएका हुन् ।
सिन्धुली–१ मा गोलन्जोर गाउँपालिका, फिक्कल गाउँपालिका, तीनपाटन गाउँपालिका, दुधौली नगरपालिका र कमलामाई नगरपालिकाको ९, १३ र १४ वडा छन् । नेपाली कांग्रेस– नेकपा एमालेको गढका रुपमा चिनिने यस क्षेत्रमा रास्वपाका कार्कीले आफ्नो पक्षमा चुनावी नतिजा ल्याए ।
निर्वाचित कार्की २०७४ मा वडाध्यक्षका आकांक्षी थिए । त्यसबेला स्थानीय तहको निर्वाचनमा प्रतिस्पर्धा गरेका उनी पछि रास्वपामा संगठित भए । सिन्धुलीमा रास्वपा गठन भएदेखि नै आबद्ध भएका कार्कीले पार्टीको क्षेत्रीय सभापति बनेर काम गरिसकेका छन् ।
रास्वपा सिन्धुलीको सभापति पदमा प्रतिस्पर्धी गरेका उनी प्रतिस्पर्धीसँग बराबर मत आएपछि गोलप्रथाबाट पराजित भएका थिए । उनी यातायात व्यवसायी हुन् ।





















प्रतिक्रिया