चितवन । चितवन राष्ट्रिय निकुञ्जमा गस्तीमा खटिएको नेपाली सेनाको टोलीमाथि एकसिङ्गे गैंडाले आक्रमण गर्दा आत्मरक्षाका क्रममा गोली चलाउँदा गैंडाको मृत्यु भएको छ ।
चितवन राष्ट्रिय निकुञ्ज कार्यालयले शुक्रबार जारी गरेको प्रेस विज्ञप्ति अनुसार बिहीबार दिउँसो करिब १२ः५० बजे निकुञ्जको कोर क्षेत्रमा गस्तीमा खटिएको नेपाली सेना को श्री नयाँ गोरख गण अन्तर्गतको टोली अर्धवयस्क बच्चासहितको पोथी एकसिङ्गे गैंडासँग जम्काभेट भएको थियो ।
सुरक्षात्मक उपाय अपनाउँदा पनि गैंडाले अचानक एक सिपाहीमाथि आक्रमण गरेको जनाइएको छ। त्यसपछि टोलीले गैंडा धपाउन १० राउण्ड हवाई फायर गरेको थियो। तर गैंडा नभागेपछि थप ४ राउण्ड हवाई फायर गरिएको थियो ।
प्रतिक्रिया