नेपालका तीव्र गतिका बलर खोज्दै वर्ल्डलिङ्कद्वारा ‘बीट द स्पीड’ सिजन–३ सुरु

काठमाडाैं । वर्ल्डलिङ्क कम्युनिकेशन लिमिटेडले देशभरका उदीयमान तीव्र गतिका बलरहरूको पहिचान र विकास गर्ने उद्देश्यसहित आफ्नो राष्ट्रिय प्रतिभा खोज कार्यक्रम ‘बीट द स्पीड – सिजन ३’ को औपचारिक घोषणा गरेको छ।

तेस्रो संस्करणमा प्रवेश गरेको यो अभियानले युवा खेलाडीलाई आफ्नो गति, सीप र सम्भावना प्रदर्शन गर्ने अवसर प्रदान गर्दै नेपालको ग्रासरुट क्रिकेटलाई अझ सुदृढ बनाउने लक्ष्य लिएको छ।

अघिल्ला सिजनहरूको सफलतासँगै ‘बीट द स्पीड’ ले नेपाली क्रिकेटमा प्रभाव पार्दै आएको छ। गत सिजनका विजेता हिक्मत महराले नगद रु. १ लाखसहित Just Cricket Academy मा तीन महिनाको प्रशिक्षण अवसर प्राप्त गरेका थिए। त्यसपछि उनी सुदूरपश्चिम रोयलबाट ‘आइकनिक प्लेयर’ का रूपमा छनोट भएका थिए भने नेपाल प्रिमियर लिगमा आफ्नो पहिलो खेलमै पहिलो विकेट लिँदै चर्चा बटुलेका थिए।

त्यस्तै, किरण चन्दलाई निर्णायकहरू ग्यानेन्द्र मल्ल र कलाम अलि ले ‘प्रोमिसिङ ट्यालेन्ट’ का रूपमा छनोट गरेका थिए। चन्दले रु. ५० हजार नगदसहित जस्ट क्रिकेट एकेडेमीमा तीन महिनाको पूर्ण छात्रवृत्तिसहित प्रशिक्षण प्राप्त गरेका थिए र पछि काठमाण्डौ गोर्खाजको डेभलपमेन्ट स्क्वाडमा समावेश भएका थिए।

२३ सहरमा राष्ट्रव्यापी यात्रा
सिजन–३ को सुरुवात वैशाख ४ गते जनकपुरबाट भइसकेको छ। यससँगै कार्यक्रमले देशका २३ सहर समेट्ने राष्ट्रव्यापी यात्रा सुरु गरेको छ। तालिका यसप्रकार रहेको छ:
वैशाख ४ – जनकपुर
वैशाख ५ – लहान र राजविराज
वैशाख ६ – विराटनगर
वैशाख ७ – दमक
वैशाख ८ – इटहरी
वैशाख १० – मलंगवा र गौर
वैशाख ११ – सिमरा र वीरगञ्ज
वैशाख १२ – हेटौंडा र चितवन
वैशाख १३ – बुटवल
वैशाख १४ – भैरहवा
वैशाख १५ – लमही र घोराही
वैशाख १६ – नेपालगञ्ज
वैशाख १७ – सुर्खेत
वैशाख १९ – धनगढी
वैशाख २० – महेन्द्रनगर
वैशाख २२ – बैतडी (पहिलो पटक समावेश)
वैशाख २४ – पोखरा
वैशाख २६ – काठमाडौं

प्रारम्भिक चरणपछि सबैभन्दा छिटो बलिङ गर्ने उत्कृष्ट १० खेलाडीलाई काठमाडौंमा हुने ग्रान्ड फाइनलका लागि छनोट गरिनेछ।

एन्ड्र्यू लियोनार्डको सहभागिता
यस सिजनमा चर्चित क्रिकेट कमेन्टेटर एन्ड्र्यू लियोनार्डको सहभागिताले कार्यक्रमलाई थप आकर्षक बनाएको छ। वर्ल्डलिङ्कका Chief Marketing Officer Tenzin Choegyal का अनुसार, लियोनार्डले प्रारम्भिक चरणका केही सहरमा उपस्थित भई खेलाडीहरूसँग अन्तरक्रिया गर्नेछन् भने काठमाडौंमा हुने ग्रान्ड फाइनल पनि होस्ट गर्नेछन्।

निर्णायक र पुरस्कार
यस वर्ष पनि प्रतियोगिताको निर्णायकमा ग्यानेन्द्र मल्ल र कलाम अली रहनेछन्।

प्रतियोगिताका पुरस्कारहरू:
विजेता: रु. १,००,०००
प्रथम उपविजेता: रु. ५०,०००
दोस्रो उपविजेता: रु. २५,०००

यसका अतिरिक्त, विजेता र निर्णायकले छनोट गरेको ‘प्रोमिसिङ ट्यालेन्ट’ दुवैले जस्ट क्रिकेट एकेडेमी, बेंगलोरमा तीन महिनाको पूर्ण छात्रवृत्तिसहित प्रशिक्षण अवसर प्राप्त गर्नेछन्, जसको सम्पूर्ण खर्च वर्ल्डलिङ्कले व्यहोर्नेछ।