पूर्वडिआइजी अर्जुन चन्द ठकुरीको निधन

काठमाडौं । नेपाल प्रहरीका पूर्वप्रहरी नायब महानिरीक्षक (डीआइजी) अर्जुन चन्द ठकुरीको निधन भएको छ ।

घरमै लडेर घाइते भएका चन्दको बुधबार बिहान मेडिसिटी अस्पतालमा उपचारका क्रममा निधन भएको हो । चन्द १० दिनअघि भैंसेपाटीस्थित आफ्नै निवासमा लडेर घाइते भएका थिए । लडेर उनको टाउकोमा चोट लागेको थियो ।

उनको आजै पशुपतिमा अन्त्यष्टि गर्ने तयारी गरिएको छ ।