सुर्खेत। कालिकोटको खाँडाचक्र नगरपालिका–२ स्थित सेरिघाट बजारमा मुगुबाट आउँदै गरेको १०८३ नम्बरको एसएमएल गाडी अनियन्त्रित भई बिहीबार दुर्घटनामा परेको छ।
गाडीमा सवार सबै सकुशल रहेका छन् भने केहीलाई सामान्य चोट लागेको छ । गाडी ब्रेक फेल भएर पल्टिएको बताइएको छ।
यसअघि कर्णाली राजमार्ग अन्तर्गत दैलेखको चामुण्डाबिन्द्रासैनी नगरपालिकास्थित साङ्गेतडामा माइक्राेबस दुर्घटना भएको थियो।
कर्णाली ०३–००१ ख १०५५ नम्बरको उक्त गाडी सडकबाट करिब ५०० मिटर तल नदीमा खसेको हो। दुर्घटनामा एक जनाको शव फेला परेको छ ।
प्रतिक्रिया