काठमाडौं । सांग्रिला डेभलपमेन्ट बैंकले संस्थापक सेयर बिक्री गर्ने भएको छ । बैंकका संस्थापक शेयरधनी टेल बहादुर पुनले आफ्नो नाममा रहेको ७ हजार ५१० कित्ता संस्थापक सेयर आजदेखि बिक्रीमा राखेको हो ।
सेयर खरिद गर्न ईच्छुक संस्थापक शेयरधनीले सूचना प्रकाशति भएको मितिले ३५ दिनभित्र आवेदन दिनुपर्नेछ । यस अवधिभित्र आफूले खरिद गर्न चाहेको शेयर विवरण खुलाई काठमाडौंको बालुवाटारस्थित बैंकको केन्द्रीय कार्यालयमा निवेदन दिनु पर्नेछ ।
बैंकले तोकिएको यस समयभित्र बैंकका संस्थापक शेयरधनीबाट सेयर खरिदका लागि कुनै पनि निवेदन पेश नभएमा बैंकले प्रचलित कानून बमोजिम अन्य व्यक्ति वा संस्थालाई उक्त सेयर बिक्री गरिने जनाइएको छ ।
प्रतिक्रिया