प्रधान सेनापति सिग्देल चीन प्रस्थान

काठमाडौं । प्रधान सेनापति अशोकराज सिग्देल चीन प्रस्थान गरेका छन् ।

आइतबार बिहान उनी औपचारिक भ्रमणका लागि चीनको बेइजिङतर्फ प्रस्थान गरेको जनसम्पर्क तथा सूचना निर्देशनालयले जनाएको छ ।

उनी बेइजिङमा आयोजना हुने १३औं बेइजिङ सियाङशन फोरममा सहभागी हुने कार्यक्रम छ। उनी असोज ३ गते काठमाडौं फर्किनेछन् ।

बेइजिङ जानुअघि प्रधान सेनापतिलाई त्रिभुवन अन्तर्राष्ट्रिय विमानस्थलमा बलाधिकृत रथी प्रदीपजंग केसीले बिदाइ गरेका थिए ।