Logo

बिजनेस

वित्तीय साक्षरता कार्यक्रममा मुक्तिनाथ विकास बैंकको छलाङ



मुक्तिनाथ विकास बैंकले एकैदिन ५ स्थानमा वित्तीय साक्षरता कार्यक्रम सम्पन्न गरेको छ ।

वित्तीय साक्षरता कार्यक्रममा वित्तीय कारोबार बारे चेतना जगाउने, भविष्यको योजना, सुरक्षित बचत, कर्जा तथा विप्रेषणबाट प्राप्त रकमको उत्पादनमूलक लगानी, पारिवारिक बजेट तथा योजना, जोखिम न्यूनीकरणको लागि बीमाको प्रयोग,सफा नोटको प्रयोग , बैंक तथा वित्तीय संस्थाहरुको प्रकार लगायतको विषयमा वित्तीय चेतनाको अभिबृद्धि गराउने कार्य गरिएको बैंकले जानकारी दिएको छ । विद्यार्थीहरुको समेत आय र व्ययको लेखाजोखा गरी कसरी फजुल खर्च कम गर्न सकिन्छ ? भन्ने पनि कार्यक्रमको विषयवस्तुमा समावेश गरिएको बैंकको भनाई छ

गत फागुन १७ गतेका दिने “सबैमा वित्तीय साक्षरता, आजको आवश्यकता” भन्ने मूल आशयका साथ बैंकले तनहुँस्थित श्री जलदेवी माध्यामिक विद्यालय व्यास–०१, भादगाउँ, कास्कीस्थित श्री ज्ञानज्योति विद्या कुञ्ज मा.वि. पोखरा–३२, गगनगौडा ,रुपन्देहीस्थित जनकल्याण उच्च मा.वि.,सैनामैना–०६, भाटाचौर, पर्वतस्थित नवजागृत उच्च मा.वि ,मोदी– ०६, तिलाहार र चितवनस्थित त्रिपुरेश्वर कृषि सहकारी संस्था लि. भरतपुर–०८, शरदपुर गरी ५ स्थानमा वित्तीय साक्षरता कार्यक्रम सम्पन्न गरेको हो ।

वित्तीय साक्षरता कार्यक्रममा वित्तीय कारोबार बारे चेतना जगाउने, भविष्यको योजना, सुरक्षित बचत, कर्जा तथा विप्रेषणबाट प्राप्त रकमको उत्पादनमूलक लगानी, पारिवारिक बजेट तथा योजना, जोखिम न्यूनीकरणको लागि बीमाको प्रयोग,सफा नोटको प्रयोग , बैंक तथा वित्तीय संस्थाहरुको प्रकार लगायतको विषयमा वित्तीय चेतनाको अभिबृद्धि गराउने कार्य गरिएको बैंकले जानकारी दिएको छ ।

विद्यार्थीहरुको समेत आय र व्ययको लेखाजोखा गरी कसरी फजुल खर्च कम गर्न सकिन्छ ? भन्ने पनि कार्यक्रमको विषयवस्तुमा समावेश गरिएको बैंकको भनाई छ ।

सम्पन्न भएका कार्यक्रममा विद्यालयका शिक्षक, व्यवस्थापन समितिका पदाधिकारीहरु तथा स्थानीय निकायका प्रतिनिधिहरुकोे उल्लेख्य उपस्थिति रहेको थियो । उपस्थित अथितिहरुले मुक्तिनाथ विकास बैंकले वित्तीय साक्षरता कार्यक्रममार्फत विद्यार्थीहरु लगायत समुदायमा वित्तीय चेतना र वित्तीय ज्ञानमा अभिबृद्धि गन गरेर्को प्रयास प्रशंसा योग्य रहेको धारणा व्यक्त गरेका थिए ।

बैंकले हालसम्म २४१ वटा वित्तीय साक्षरता कार्यक्रममार्फत कुल ४५,००० जना सहभागीहरुलाई वित्तिय साक्षरता प्रदान गरी छलाङ मारिसकेको छ । यस्ता कार्यक्रमलाई आगामी दिनमा पनि निरन्तरता दिईने बैंकको दावी छ । बैंकले यस्ता कार्यक्रम विगत ५ बर्ष देखि निरन्तर संचालन गर्दै आईरहेको छ ।

प्रकाशित मिति : फाल्गुन २०, २०७५ सोमबार  ४ : ४९ बजे

0
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई [email protected] मा लेखी पठाउनुहोला ।