महिला लघुवित्तले आईपीओ निष्कासन गर्दै

महिला लघुवित्त वित्तीय संस्थाले आईपीओ निष्कासन गर्न लागेको छ । कम्पनीले ४ लाख कित्ता आइपीओ निष्कासन गर्न लागेको हो ।  कम्पनीको  विक्री प्रबन्धकमा नेपाल एसबिआई मर्चेण्ट बैंकिङ रहेको छ ।  

कम्पनीको तर्फबाट प्रमुख कार्यकारी अधिकृत कृष्ण न्यौपाने र एसबिआई मर्चेण्ट बैकिङको तर्फबाट रोशनी भारतीले धितोपत्र निष्कासन तथा विक्री प्रबन्धक सम्बन्धी सम्झौतापत्रमा हस्ताक्षर गरेका छन् । 

कम्पनीले हालसम्ममा ५३ ओटा शाखा कार्यालयहरुबाट लघुवित्त सेवा प्रदान गर्दै आएको छ । गत आवको चौथो त्रैमासमा कम्पनीले रू। ३ करोड ३१ लाख नाफा कमाएको थियो । हाल कम्पनीको चुक्तापूँजि रू. ६ करोड रहेको छ । 

आईपीओ निष्कासन बाँडफाँटपछि पूँजि रू. १० करोड पुग्नेछ । कम्पनीले हालसम्ममा नियामक निकाय नेपाल धितोपत्र बोर्डमा निवेदन भने दिएको छैन ।