नायिका स्वेता खड्काको भावुक स्टाटस : मैले अझै अर्को डरलाग्दो स्थिति जितेँ

नायिका श्वेता खड्काको गर्धनमा ट्युमर देखिएपछि भारतको अस्पतालमा शल्यक्रिया गरिएको छ । श्वेताले आफ्नो फेसबुकमा अस्पतालका फोटोहरु राख्दै आफैले यसबारे जानकारी दिएकी हुन् ।मेरो दोस्रो जीवन शीर्षकमा श्वेताले भावुक स्टायटस लेखेकी छिन्, ‘जीवनले मसँग अर्को खेल खेलेको छ ।’

‘जीवन धेरै अनिश्चित छ । यो सत्य हो । तपाइँलाई कहिल्यै थाहा हुँदैन के हुन सक्छ र तपाईंको योजनाहरू र आशाहरू केवल सेकेण्डमा एक अंश भित्र विनाश हुन सक्छ’, उनले लेखेकी छिन्, ‘म अत्यन्त दुःखी छु कि म मेरो नयाँ भेन्चरमा काम गर्न सक्दिनँ ।’

श्वेताले हेलो जिन्दगीमा काम थालेकी थिइन्। लन्डनमा यसको सुटिङ हुँदै गर्दा उनलाई गर्धन र चिउँडोमा पीडा भयो ।‘मैले डाक्टरसँग परामर्श गरेपछि उनीहरूले मलाई बताए कि यो ट्यूमर हो र हटाउन आवश्यक छ । तर अहिलेको लागि ठूलो समस्या छैन । यो केही महिना पछि पनि हटाउन सकिन्छ, उनले भनेकी छिन् ।

लन्डनमा सुटिङको केही दिनपछि उनलाई धेरै पीडा र ज्वरोसमेत आयो । ‘अर्को चलचित्रमा काम गर्ने मेरो उत्साह मेरो स्वास्थ्य अवस्थाको कारण अर्को पटक बर्बाद भयो’, उनले लेखेकी छिन् ।

उनले लेखेकी छिन्, ‘मैले अझै अर्को डरलाग्दो स्थिति जितेँ ।’