काठमाडौँ । पछिल्लो २४ घण्टामा काठमाडौं उपत्यकाका ३ जिल्लामा आइतबार ३ हजार ९ सय ३९ नयाँ संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार काठमाडौंमा २ हजार ९ सय ४३, ललितपुर ७ सय ९५ र भक्तपुरमा २ सय १ जनामा संक्रमण पुष्टि भएको हो ।
योसँगै काठमाडौं उपत्यकामा सक्रिय संक्रमितको संख्या १३ हजार ९ सय ८६ पुगेको छ । देशभर भने २४ घण्टामा थप ६ हजार ७ सय ३४ जनामा कोरोना संक्रमण पुष्टि भएको छ ।
आरटी–पीसीआर परीक्षणबाट ५ हजार ७ सय ४७ र एन्टिजेनबाट ९ सय ८७ मा कोरोना संक्रमण पुष्टि भएको स्वास्थ्य तथा जनसंख्या मन्त्रालय ले जनाएको छ ।
पछिल्लो २४ घण्टामा १७ हजार ४ सय ६५ जनाको नमुना परीक्षण गरिएको थियो । सोमबार दैनिक संक्रमणदर ३८ दशमलव ६ प्रतिशत रहेको छ ।
प्रतिक्रिया