बेइजिङ । चीनका अन्तरिक्ष यात्रूले मुलुकको इतिहासमा दोस्रोपटक सफलतापूर्वक स्पेशवाक पूरा गरेको छ ।
चीनको अन्तरिक्ष एजेन्सीले तीनमध्ये दुई अन्तरिक्ष यात्री स्पेस स्टेशसन बाहिर सात घण्टा बिताएको जानकारी दिएको छ ।
जिएसटिएन–टिभीको रिपोर्टअनुसार चीनका अन्तरिक्ष यात्रीले यसअघि २००८ मा पहिलोपटक स्पेशवाक गरेको थियो ।
चीनले जुनमा तीन पुरुष अन्तरिक्ष यात्रु निये हाइशेंग, लियु बोमिंग र तांग होंगबेलाई स्पेसमा पठाएको छ । तीनै अन्तरिक्ष यात्रु १७ जुनका दिन कोर मोड्युलमा सवार भएका थिए ।
चाइना मैन्ड स्पेस एजेन्सी (सिएमएसए) ले जनाएअनुसार बोमिंग र होंगबो स्पेशवाकको क्रममा अन्तरिक्ष यानभन्दा बाहिर निस्केका थिए । उनीहरू रोबोटिक आर्मको मद्तले अन्तरिक्ष यान बाहिर निस्केका हुन् ।
यस क्रममा तेस्रो अन्तरिक्ष यात्री निये हाइशेंगले स्पेस स्टेशनभित्रै बसेर दुबैलाई सहयोग गरेका थिए ।
चीनको यो स्पेस स्टेशन आगमी वर्षसम्म तयार भइसक्ने अनुमान गरिएको छ ।
प्रतिक्रिया