Logo

अर्थ

ज्योति विकास बैंकको कामु सीईओमा कपिल ढकाल नियुक्त



काठमाडौं । ज्योति विकास बैंकको कायम मुकायम प्रमुख कार्यकारी अधिकृत (सीईओ) मा कपिल ढकाल नियुक्त भएका छन् ।

कम्पनीको गत मंसिर ३ गते बसेको सञ्चालक समितिको बैठकले यसअघि वरिष्ठ नायव प्रमुख कार्यकारी अधिकृत रहेका ढकाललाई कायम मुकायम सीईओमा नियुक्त गर्ने निर्णय गरेको हो ।

बैंकको सीईओको जिम्मेवारी सम्हाल्दै आएका श्रीचन्द्र भट्ट बाहिरिएपछि बैंक सञ्चालक समितिले कामु सीईओमा ढकाललाई नियुक्त गरेको हो । चाटर्ड एकाउन्टेन्ट ढकालले बैंकमा बरिष्ठ डेपुटी सीईओको जिम्मेवारी सम्हाल्दै आएका थिए ।

ढकालले यसअघि एनआईसी एशिया बैंकका सहायक प्रमुख कार्यकारी अधिकृतको जिम्मेवारी सम्हालिसकेका छन् । त्यसबाहेक ढकालले एनआईसी एशिया क्यापिटल र एनआईसी एशिया लघुवित्तको समेत अध्यक्षका रुपमा समेत काम गरिसकेका छन् ।

उनले हाम्रो विकास बैंकको सीईओको जिम्मेवारी समेत सम्हालिसकेका छन् । ढकालसँग ढोलाइटी इण्डिया(बिग४) र आईसीआईसी बैंक इण्डियामा काम गरेको अनुभव पनि छ ।

२०७७ असार २४ गते सीईओ नियुक्त भएका भट्टले आफ्नो कार्यकाल एक बर्षभन्दा बढी बाँकी छर्दै राजीनामा दिएर बैंकबाट बाहिरिएका छन् ।

प्रकाशित मिति : ४ मंसिर २०८०, सोमबार १४:०७   :  बजे

27
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।