काठमाडौं । चालु आर्थिक वर्षको तेस्रो त्रैमाससम्म आइपुग्दा छिमेक लघुवित्तको नाफासँगै प्रतिसेयर आम्दानी पनि घटेको छ । यसअवधिमा खुद नाफा २६.९० प्रतिशतले घटेर ६४ करोड ३७ लाख ६२ हजार रुपैयाँमा सीमित भएको छ ।
अघिल्लो वर्षको यसैअवधिमा यसले ८८ करोड ६ लाख ५९ हजार रुपैयाँ खुद नाफा आर्जन गरेको थियो ।
संस्थाको खुद ब्याज आम्दानी २.८५ प्रतिशतले घटेर २ अर्ब ५ करोड ६६ लाख ४६ हजार रुपैयाँमा सीमित भएको छ । अघिल्लो वर्ष यसैअवधिमा यसले २ अर्ब ३९ करोड ३८ लाख १६ हजार रुपैयाँ खुद ब्याज आम्दानी गरेको थियो ।
संस्थाको सञ्चालन नाफा २७.३७ प्रतिशतले घटेर ९० करोड ४१ लाख २३ हजार रुपैयाँमा सीमित भएको छ ।
चैत मसान्तसम्म आइपुग्दा प्रतिसेयर आम्दानी १२ रुपैयाँ ५८ पैसाले घटेर २८ रुपैयाँ ८३ पैसामा सीमित भएको छ । अघिल्लो वर्ष यसैअवधिमा यसको प्रतिसेयर आम्दानी ४१ रुपैयाँ ४१ पैसा थियो । प्रतिसेयर नेटवर्थ २३७ रुपैयाँ ३० पैसा छ । चुक्ता पुँजी २ अर्ब ९७ करोड ७१ लाख १२ हजार रुपैयाँ छ ।
प्रतिक्रिया