Logo

अर्थ

मितेरी सहकारी प्रकरण : ३ जना विरुद्धको थुनछेक बहस जारी



काठमाडौँ । मितेरी सहकारीको रकम अपचलनमा संलग्न आरोपमा पक्राउ परेका ३ जना विरुद्धको थुनछेक बहस जारी छ । सो प्रकरणमा बर्दियाको बाँसगढी नगरपालिका–७ घर भएका ज्योति बहादुर भण्डारी, सुरेश अधिकारी र धादिङका सुवास खत्री सीआईबीको थुनामा छन् ।

ललितपुर जिल्ला अदालतमा दायर गरिएको मुद्दामा आइतबार सरकारी वकिलको तर्फबाट बहस सकिएको छ ।जिल्ला सरकारी वकिल कार्यालय ललितपुरका सहायक जिल्ला न्यायाधिवक्ता बसन्त अर्याल सहित दुई जनाले आइतबार बहस गरे । मुद्दाको थुनछेक न्यायाधीश निर्मला योङयाको इजलासमा भइरहेको हो ।

प्रतिवादी तर्फका कानुन व्यवसायीको बहस र जवाफी बहस बाँकी रहेको जिल्ला सरकारी वकिल कार्यालय ललितपुरका जिल्ला न्यायाधिवक्ता जनक घिमिरेले बताए । उनले भने, ‘हाम्रो तर्फबाट सुरुवाती बहस पुरा भएको छ, प्रतिवादीको बहस सुनेर जवाफ दिन्छौँ ।’

ललितपुरमा कार्यालय रहेको मितेरी सहकारीका अध्यक्ष कुम्भराज गुरुङ, महाप्रबन्धक ज्योति गुरुङ र पक्राउ परेका ३ जना सहित ८ जनालाई प्रतिवादी कायम गरेर मुद्दा दायर गरिएको थियो । सहकारीको रकम अपचलनमा प्रहरीले ज्योति गुरुङ र भण्डारीसँग १७ करोड बिगो मागदाबी लिइएको छ ।

प्रकाशित मिति : ८ भाद्र २०८२, आईतवार २०:३८   :  बजे

18
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।