बागमतीका सभामुख पाठकले दिए राजीनामा

काठमाडाैं । बागमती प्रदेशसभाका सभामुख भुवनकुमार पाठकले पदबाट राजीनामा दिएका छन् । बुधबार उनले उपसभामुख अप्सरा चापागाईंसमक्ष राजीनामा बुझाएका हुन् ।

उनले यसअघि नै राजीनामा घोषणा गरे पनि कानुनी प्रक्रिया पुरा गर्न अनुकुल नभएको पत्रमा उल्लेख गरेका छन् ।

‘नेपालको संविधान र प्रदेश सभा नियमावली २०७४ बमोजिम बागमती प्रदेश सभाको सभामुख पदबाट राजीनामा गरेको छु,’ पत्रमा भनिएको छ । उनले राष्ट रोएको बेला नेपाली जनताको चाहाना र युवा पुस्ताको भावना विपरीत पदमा बसिरहन अनुचित लागेको बताएका छन् ।

प्रतिनिधिसभा विघटन भए पनि प्रदेशसभा र स्थानीय सरकार कायम रहन्छ ।