काठमाडौं । निवर्तमान प्रधानमन्त्री केपी शर्मा ओली र गृहमन्त्री रमेश लेखकलाई सरकारको अनुमतिविना काठमाडौं उपत्यका बाहिर जान नपाउने निर्णयविरुद्ध दायर रिटमा सर्वोच्च अदालतले अन्तरिम आदेश दिन अस्वीकार गरेको छ।
न्यायाधीश नृपध्वज निरौलाको इजलासले उनीहरूलाई स्थानहद तोकिएको कारणबारे सरकार र जाँचबुझ आयोगसँग लिखित जवाफ माग्ने आदेश दिएको हो।
अधिवक्ता डा. प्रेमराज सिलवालले ओली र लेखकमाथि गरिएको स्थानहद असंवैधानिक भएको भन्दै रिट दायर गरेका थिए।
जेन–जी आन्दोलनमा भएको दमन र त्यसपछिको आगजनी घटनाबारे छानबिन गर्न बनेको आयोगको सिफारिसमा सरकारले ओली, लेखक र तत्कालीन काठमाडौं सीडीओ छविराज रिजाललाई उपत्यका बाहिर जान नदिने निर्णय गरेको थियो।




















प्रतिक्रिया