विश्वकपमा मेक्सिकोको विजयी सुरुआत, साउथ अफ्रिकालाई २–० ले हरायो

काठमाडौं । फिफा विश्वकप २०२६ को उद्घाटन खेलमा आयोजक राष्ट्र Mexico ले शानदार प्रदर्शन गर्दै South Africa लाई २–० गोलअन्तरले पराजित गरेको छ। मेक्सिको सिटीस्थित ऐतिहासिक रंगशालामा सम्पन्न खेलमा मेक्सिकोले दुवै हाफमा एक–एक गोल गर्दै प्रतियोगितामा विजयी सुरुआत गरेको हो।

घरेलु समर्थकको उत्साहपूर्ण साथ पाएको मेक्सिकोले खेलको सुरुदेखि नै आक्रामक शैली अपनाएको थियो। पहिलो हाफमै अग्रता बनाएको टोलीले दोस्रो हाफको ६६औँ मिनेटमा अर्को गोल थप्दै साउथ अफ्रिकामाथि दबाब बढाएको थियो। त्यसपछि बाँकी समयमा साउथ अफ्रिकाले खेलमा फर्किने प्रयास गरे पनि मेक्सिकन रक्षापंक्तिलाई भेद्न सकेन।

विश्वकपको इतिहासमा तेस्रो पटक उद्घाटन खेल आयोजना गरेको मेक्सिकोका लागि यो जित विशेष मानिएको छ। ४८ टोली सहभागी भएको इतिहासकै सबैभन्दा ठूलो विश्वकपमा मेक्सिकोले महत्वपूर्ण तीन अंक बटुलेको छ।

यस जितसँगै मेक्सिको समूह ‘ए’ को शीर्ष स्थानमा उक्लिएको छ भने साउथ अफ्रिकाले प्रतियोगिताको सुरुआतमै हार बेहोरेको छ। अब दुवै टोलीले आफ्नो दोस्रो समूह खेलतर्फ ध्यान केन्द्रित गर्नेछन्। दुई खेलाडीले रातो कार्ड पाएपछि ९ खेलाडी सिमित साउथ अफ्रिकाले पहिलो हार बेहोरेको छ ।

यता साउथ अफ्रिका ९० मा रातो कार्ड खादै १० खेलाडीमा सिमित भएको थियो ।