कोरोना भाइरसका कारण भारतमा एक जनाको मृत्यु

कोरोना भाइरस (कोभिड – १९) का कारण भारतमा एक जनाको मृत्यु भएको छ । साउदी अरेबिया बाट हालै भारत फर्किएका एक जनाको मृत्यु भएको बीबीसीले जनाएको छ ।

कर्नाटक राज्यको स्वास्थ विभागले तेलगंनाको एक अस्पतालमा उपचारको क्रममा उनको मृत्यु भएको जनाएको छ । उनी साउदी बाट फर्किएपछि श्वासप्रश्वासमा समस्या भएको र खोकी लागेको भन्दै अस्पताल भर्ना भएको जनाएको छ ।

उनलाई पाँचदिनअघि एक निजी अस्पतालमा भर्ना गरिएको थियो । उनको प्रारम्भिक रिपोर्टमा कोरोना भएको पुष्टि भएको थियो ।