काठमाडौं । नेकपा (माओवादी केन्द्र)को आधारक्षेत्र मानिएको कर्णली प्रदेशमा बुधबारदेखि नेपाली कांग्रेसले सरकारको नेतृत्व गर्ने भएको छ । पूर्व सहमति बमोजिम यस अघिका मुख्यमन्त्री महेन्द्रबहादुर शाहीले सोमबार राजीनामा दिएपछि कांग्रेस प्रदेश संसदीय दलका नेता जीवनबहादुर शाहीलाई मुख्यमन्त्री बन्ने बाटो खुलेको हो ।
अघिल्लो दिन महेन्द्रले मुख्यमन्त्रीबाट राजीनामा दिएपछि कर्णाली प्रदेश प्रमुख गोविन्दप्रसाद कलौनीले सरकारको नेतृत्व दाबी गर्न दलहरुलाई मंगलबार साँझसम्मको समय दिएका थिए । प्रदेश प्रमुख कलौनीले दिएको समयसीमाभित्रै जीवनबहादुरले दाबी पेश गरेपछि उनी बुधबार मुख्यमन्त्री बन्न लागेका हुन् ।
जीवनबहादुरले माओवादी केन्द्रबाट १२, कांग्रेसबाट ६, र एकीकृत समाजवादीबाट तीन जना गरी २१ सांसदको बहुमत हस्ताक्षरसहित मुख्यमन्त्रीको दाबी पेश गर्न शाही प्रदेश प्रमुखको कार्यालय कार्यालय पुगेका थिए ।
प्रतिक्रिया