Logo

स्वास्थ्य

झापा कारागारमा रहेका सात  जना कैदीवन्दी सहित १० जनालाई कोरोना पुष्टि



विश्वव्यापी महामारीको रुपमा फैलिएको कोरोना भाइरस संक्रमणका कारण झापा जिल्लाको कारागारमा रहेका सात जना कैदीबन्दी सहित १० संक्रमित बनेका छन् । 

जसमध्ये एक महिला सहित सात कैदी, एक भान्से र दुई जना प्रहरी कर्मचारीलाई कोरोना संक्रमण देखिएको हो । कैदीबन्दीलाई कोरोना संक्रमण देखिएपछि कारगारभित्र त्रास सिर्जना भएको छ ।

कोरोना संक्रमण देखिएका कैदीबन्दी र प्रहरी कर्मचारीलाई मेची प्रादेशिक कोभिड अस्पताल पठाइएको छ । हाल झापामा कोरोना संक्रमितको संख्या ८ सय ३६ पुगेको छ ।

जसमध्ये ६ जनाको मृत्यु भएको छ भने ७ सय ५७ जना उपचारपछि घर फर्किएको जिल्ला स्वास्थ्य कार्यालय झापाका फोकल पर्सन जीवन चम्लगाईले जानकारी दिए ।

प्रकाशित मिति : आश्विन १०, २०७७ शनिबार  ११ : ५२ बजे