Logo

आफ्नै श्रीमतीको कपाल मुडेर कालोमोसो दली दिसा खुवाएर गाउँ डुलाउने श्रीमानसहित सातजना पक्राउ



हुम्लामा आफ्नै श्रीमतीको कपाल मुडेर कालोमोसो दली दिसा खुवाएर गाउँ डुलाउने श्रीमानसहित सातजना पक्राउ परेका छन्।सिमकोट गाउँपालिका निवासी २३ वर्षीया महिलालाई पर पुरुषसँग सम्बन्ध राखेको आरोपमा श्रीमानसहित गाउँले मिलेर यस्तो ज्यादती गरेका थिए ।

महिलालाई यसरी अमानवीय व्यवहार गर्ने उनका श्रीमानसहित सातजनालाई प्रहरीले पक्राउ गरेको हो। शुक्रबार भएको यो घटनामा संलग्न रहेका सातजनालाई पक्राउ गरेर थप अनुसन्धान भइरहेको जिल्ला प्रहरी कार्यालयका डीएसपी सूर्य सुवेदीले जानकारी दिनुभयो ।

उनका अनुसार श्रीमानसहित पक्राउ परेका सातैजनाले दिसा खुवाएको बाहेक अरु सबै अपराध स्वीकारेका छन्। पीडित महिलालाई केही गाउँलेहरुको सहयोगमा उद्धार गरेर शुक्रबार नै जिल्ला प्रहरी कार्यालय ल्याइएको र अहिले संरक्षणका लागि महिला तथा बालबालिका सेवा केन्द्रमा राखिएको डीएसपी सुवेदीले जानकारी दिनुभयो । महिलाले कसैसँग प्रेम रहेको कुरा झुटो रहेको बताएको उहाँले बताउनुभयो ।

प्रकाशित मिति : १७ आश्विन २०७७, शनिबार  ५ : ३१ बजे