Logo

अनलाइनपाना खोज

१० दशमलव ५० प्रतिशत ब्याजदरको १० वर्षे सेञ्चुरी डिबेञ्चर, लगानीकर्तालाई अवसर



नाफा वृद्धिमा ‘डबल सेन्चुरी’ नजिकको प्रगति हाँसिल गरेको सेञ्चुरी कमर्सियल बैंक लिमिटेडले वार्षिक १० दशमलव ५० प्रतिशत ब्याजदरमा सेञ्चुरी डिबेञ्चर निष्कासन गर्ने भएको छ । यसले लगानीकर्ताहरुमा खुसी छाएको छ ।

बैंकले १० वर्षे अवधि रहेको २ अर्ब २० करोड बराबरको सेञ्चुरी डिबेञ्चर २०८८ निष्काशन गर्न लागेको हो । डिबेन्चरको कुल रकम २ अर्ब २० करोड मध्ये ४० प्रतिशतले हुन आउने ८८ करोड सर्वसाधारण (सामूहिक लगानी कोष समेत) का लागि र ६० प्रतिशतले हुन आउने रु १ अर्ब ३२ करोड (संस्थागत) प्राइभेट प्लेसमेन्टका लागि छुट्याइएको छ । बैंकले आगामी साताभित्र आव्हानपत्र निष्कासन गरी बैशाखको तेस्रो हप्ता आवेदन खुल्ने जनाएको छ ।

आवेदन खुल्ला भए पश्चात छिटोमा ४ दिनभित्र तथा ढिलोमा १५ दिनका लागि मात्र आवेदन गर्न सकिने बैंकको भनाई छ । प्रतिकित्ता डिबेन्चरको अंकितमूल्य रु. १ हजार रहेको छ । लगानीकर्ताले न्यूनतम २५ कित्ता तथा अधिकतम ५ लाख कित्ताका लागि आवेदन दिन सक्नेछन् । दशवर्ष अवधिमा निरन्तर साढे १० प्रतिशतको उच्च प्रतिफल प्राप्त गर्न सकिने भएकोले यो उच्च प्रतिफलको लागि राम्रो देखिन्छ । साथै यो डिबेञ्चर धितो राखी बैंक तथा वित्तीय संस्थाहरुबाट ऋण सापटी लिन पनि सहज हुनेछ ।

नेपाल धितोपत्र बोर्डबाट बैंकले २०७८ चैत्र २९ गते डिबेञ्चर निष्काशनका लागि स्वीकृति प्राप्त गरेको थियो । सेञ्चुरी डिबेन्चर २०८८ को निष्काशन तथा विक्री प्रबन्धक ग्लोबल आएमई क्यापिटल रहेको छ ।

सेञ्चुरी बैंक हालै नाफामा अर्वपति क्लबमा प्रवेश गरेको छ । चालु आर्थिक वर्षको तेस्रो त्रैमाससम्म सेञ्चुुरीको खुद नाफा १सय ८३ दशमलव ५९ प्रतिशतले बढेको छ । गत आर्थिक वर्षको सोही अवधिमा ३५ करोड ८१ लाख ५० हजार रुपैयाँ खुद नाफा गरेको सेञ्चुरी बैंकले चालु आर्थिक वर्षको तेस्रो त्रैमाससम्म १ अर्ब १ करोड ५६ लाख ८३ हजार रुपैयाँ खुद नाफा गरेको हो ।

त्यस हिसावले पनि सेञ्चुरीको डिबेञ्चर किन्न सर्वसाधारणको आकर्षण बढ्ने देखिन्छ । पछिल्लो समय वाणिज्य बैंकहरूले जारी गरेको डिबेञ्चरमध्ये लगानीकर्ताहरुका लागि पनि यो डिबेञ्चरलाई उत्कृष्ट मान्न सकिन्छ । वाणिज्य बैंकहरूको मुद्दती निक्षेपको ब्याज तलमाथि हुनसक्ने तर सेञ्चुरीको डिबेञ्चरमा लगानी गर्दा प्रतिफल दर १० वर्षसम्म साढे १० प्रतिशत नै रहने हुँदा लगानी सुरक्षित बन्ने देखिएको छ । सेञ्चुरीको यो ऋणपत्र मेरो शेयरमा गएर आइपीओ भरेजस्तै गरी भर्न सकिने छ ।

प्रकाशित मिति : बैशाख ८, २०७९ बिहीबार  ४ : २५ बजे