संसद् विघटन विरुद्धको मुद्दाको सुनुवाइ गर्न गठित संवैधानिक इजलासको पेशी आज तोकिएको छ। उक्त इजलासका न्यायाधीशद्वय दीपककुमार कार्की र आनन्दमोहन भट्टराईले आज लिखित राय दिने भएका छन् ।
न्यायाधीशद्वय कार्की र भट्टराईले इजलासमा बस्न नमिल्ने भनी सरकार पक्षले दिएको निवेदनमाथि उनीहरूले आफ्नो लिखित राय पेश गर्ने तयारी रहेको अधिवक्ता किर्तिनाथ शर्मा पौडेलले अनलाइनपानालाई जानकारी दिए ।
दुई न्यायाधीशमाथि सरकारी पक्षले प्रश्न उठाएपछि आइतबार विषयवस्तुमा प्रवेश नै नगरी हेर्दाहेर्दै स्थगित भएको इजलास प्रधानन्यायाधीश चोलेन्द्र शमशेर जबरा बिरामी परेका कारण दुई दिन स्थगित भएको थियो । सोही इजलास आज बस्न लागेको हो अधिवक्ता शर्माले बताए ।
प्रतिक्रिया