Logo

प्रमुख समाचार

उप्रधानमन्त्री श्रेष्ठ भन्छन्– ‘बिनाहस्तक्षेप प्रहरीले अनुसन्धान गरिरहेको छ, दोषीलाई कारबाही हुन्छ’



चितवन । उपप्रधान तथा गृहमन्त्री नारायणकाजी श्रेष्ठले कुनै पनि अनुसन्धान प्रहरीले सरकारको हस्तक्षेपबिना गरिरहेको स्पष्ट पारेका छन् । तथ्य र प्रमाणका आधारमा दोषीलाई कारबाही प्रक्रिया अघि बढेको बताउँदै उनले यसमा प्रहरीले स्वतन्त्र रुपमा अनुसन्धानलाई अगाडि बढाएको बताए ।

भरतपुरमा पत्रकारसँग कुरा गर्दै श्रेष्ठले भने, ‘हामीले प्रहरीलाई फलानालाई ल्याउनु फलानालाई नल्याउनु भनेका छैनौं । हामी त्यस्तो कुरा गर्दैनौं । निर्दोष फस्ने र दोषी उम्किने हुँदैन । तपाईंहरू काम गर्नुस् भनेका छौं । प्रहरीले त्यसैगरी कम गरिरहेको छ ।’

कसैले कोही मान्छे पक्राउ परोस् भन्ने चाहेर नभइ तथ्य प्रमाणका आधारमा समातिने मन्त्री श्रेष्ठले बताए । अनुसन्धानका क्रममा ढिलोचाँडो हुनसक्ने बताउँदै उनले कुनै पनि प्रकरणमा अनुसन्धानको काम नरोकिएको बताए ।

साथै, गृहमन्त्री श्रेष्ठले मिटरब्याज पीडितलाई न्याय दिने काम पनि नरोकिएको बताएका छन् । अहिले संसद् पनि खुलिसकेको बताउँदै उनले सम्बन्धित विधेयकलाई छिटो पारित गरेर काम प्रभावकारी बनाउने बताए ।

प्रकाशित मिति : ३० असार २०८०, शनिबार ११:३९   :  बजे

84
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।