काठमाडौं । साविकको सानिमा लाइफ इन्स्योरेन्स र रिलायन्स लाइफ इन्स्योरेन्स मर्जर पश्चात् बनेको सानिमा रिलायन्स लाइफ इन्स्योरेन्सले तेस्रो त्रैमासको वित्तीय विवरण सार्वजनिक गरेको छ ।
कम्पनीले चालु आर्थिक वर्षको तेस्रो त्रैमासमा ३० करोड ४८ लाख रुपैयाँ खुद नाफा कमाएको छ । गत वर्ष यसले १५ करोड ७९ लाख रुपैयाँ नाफा कमाएको थियो । यो गत वर्षको भन्दा ९२.९४ प्रतिशत बढी हो ।
यसअवधिमा इन्स्योरेन्स खुद बीमा शुल्क ११७.०८ प्रतिशतले बढेर ४ अर्ब १ करोड रुपैयाँ पुगेको छ । लगानी तथा कर्जाबाट हुने आम्दानी बढेर १४२.७२ १ अर्ब १२ करोड रुपैयाँ पुगेको छ ।
त्यस्तै, बीमा कोषको आकार २४.१४ प्रतिशतले बढेर १३ अर्ब ५५ करोड रुपैयाँ भन्दा बढी पुगेको छ ।
चुक्ता पुँजी ४ अर्ब १८ करोड ४० लाख रुपैयाँ रहेको कम्पनीको रिटेन्ड अर्निङ शीर्षकमा ९९ करोड ७२ लाख रुपैयाँ रहेको छ ।
समिक्षाअवधिमा प्रतिसेयर आम्दानी ५ रुपैयाँ ०३ पैसाले बढेर ९ रुपैयाँ ७१ पैसा कायम भएको छ । कम्पनीको प्रतिसेयर नेटवर्थ १२६ रुपैयाँ ९९ पैसा छ ।
प्रतिक्रिया