Logo

अर्थ

स्थानीय तहले सडक बत्तीको बक्यौता महसुल किस्ताबन्दीमा बुझाउन पाउने



काठमाडौं । नेपाल विद्युत प्राधिकरणले सडक बत्तीको बक्यौता महसुल बुझाउन किस्ताबन्दीको सुविधा ल्याएको छ । सडक बत्ती बालेवापत लामो समयसम्म शुल्क नबुझाएपछि प्राधिकरणले यस्तो सुविधा ल्याएको हो ।

आज एक सूचना जारी गर्दै प्राधिकरणले सडक बत्ती जडान गरी विद्युत् उपभोग गरेका स्थानीय तहहरूले तिर्नुपर्ने थप दस्तुर सहितको बक्यौता विद्युत् महसुल बढीमा ६० महिनासम्म किस्ताबन्दीमा बुझाउन पाउने व्यवस्था गरिएको जानकारी दिएको हो ।

त्यसका लागि सम्बन्धित स्थानीय तहहरूले ४५ दिनभित्र प्राधिकरणको सम्बन्धित वितरण केन्द्रमा सम्पर्क गरी किस्ताबन्दीका लागि आवेदन दिन प्राधिकरणले सूचनामार्फत आग्रह गरेको छ ।

प्रकाशित मिति : असार १६, २०८१ आईतबार  ११ : २४ बजे

15
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई [email protected] मा लेखी पठाउनुहोला ।