काठमाडाैं । नेपाली बजारमा नथिङ ब्रान्डले सीएमएफ फोन, स्मार्टवाच र एयर बड्स सार्वजनिक गरेकाे छ । नेपालका लागि नथिङको आधिकारिक वितरक सीजी मोबाइल्सले नथिङ ब्रान्डका नयाँ उत्पादन सार्वजनिक गरेको छ ।
कम्पनीले सोमबार काठमाडौंमा एक कार्यक्रमको आयोजना गर्दै नथिङ ब्रान्डका सीएमएफ फोन १, सीएमएफ बड्स प्रो २ र सीएमएफ वाच प्रो २ को सार्वजनिक गरेको हो ।
कार्ल पेइद्वारा स्थापित अग्रगामी ब्रिटिस-आधारित उपभोक्ता इलेक्ट्रोनिक्स कम्पनी नथिङ टेक्नोलोजी लिमिटेडले आफ्नो उप-ब्रान्ड सीएमएफ मार्फत विश्वव्यापी रूपमा आफ्नो उत्पादन लाइनअप विस्तार गरेको छ ।
सीजीले नथिङ फोनको नेपाल ब्रान्ड एम्बेसडरमा प्रदीप खड्कालाई नियुक्त गरेको छ ।
कार्यक्रममा सीजीका म्यानेजिङ डाइरेक्टर निर्वाण चौधरीले नेपालमा नाथिङ र सीएमएफ सार्वजनिक गर्न पाएकोमा खुसी व्यक्त गरे ।
कार्यक्रममा प्रख्यात अतिथि, व्यापारिक साझेदार, सेलिब्रेटी, मिडिया र प्रमुख व्यक्तित्वहरूसहित वरिष्ठ अधिकारीहरूको उपस्थिति रहेकाे थियाे ।
नेपालमा सीएमएफ फोन १, सीएमएफ बड्स प्रो २ र वाच प्रो २ को लन्चसँगै ब्रान्डको “अद्भुत डिजाइन” नैतिकताको प्रतीक भएकाे कम्पनीले जनाएकाे छ ।
सीएमएफ फोन१ ले स्मार्टफोन बजारमा सीएमएफको डेब्यूलाई चिनाउने कम्पनीकाे भनाई छ । यसले विविध उपभोक्ता प्राथमिकताहरू पूरा गर्ने उद्देश्यले निजीकरण र कार्यक्षमताको मिश्रण प्रदान गर्नेछ । सीएमएफ फोनकाे रङ् कालो, सुन्तला, हल्का हरियो र निलोमा उपलब्ध रहेकाे कम्पनीले जनाएकाे छ ।
साथै सीएमएफ फोन २ ए मा मिडियाटेक डाइमेन्सिटी ७२०० प्रो चिपसेट छ ।
प्रतिक्रिया