काठमाडौं । सोलुखुम्बु जिल्लाको थामेमा नेपाल टेलिकमको मोबाइल सेवा स्थापित भएको छ ।
आइतबार राति नेपाल टेलिकमले नाम्चे, खुमजुंग, पानी ट्यांकी, फोट्सेलगायत क्षेत्रका बीटीएस टावर सुचारु भएर मोबाइल सेवा स्थापित भइसकेको जनाएको छ ।
सोलुखुम्बुको खुम्बु गाउँपालिका–५ थामेमा गत श्रावण ३२ गते हिमताल फुटेर आएको बाढीले गर्दा खुम्बु बिजुली कम्पनीमा समस्या आएको थियो ।
विद्युत सेवा अवरुद्ध हुँदा सो क्षेत्र लगायत नाम्चे, खुमजुंग, पानी ट्यांकीका बिटीएस टावरहरु बन्द भएका थिए । टेलिकमले उक्त बिटीएस टावरहरु सञ्चालन गरी हाल टेलिफोन तथा इन्टरनेट सेवा सुचारु गरिसकेको जानकारी दिएको छ ।
प्रतिक्रिया