काठमाडाैं । नेकपा एकीकृत समाजवादीका अध्यक्ष माधवकुमार नेपाललाई भेटेपछि वामदेव गौतमले नयाँ आकाशतर्फ फेरि हिँड्नुपर्छ भन्ने कुरा भएको बताएका छन् ।
अध्यक्ष नेपाललाई भेट्न नेता गौतम बुधबार एकीकृत समाजवादीको केन्द्रीय कार्यालय आलोकनगर पुगेका थिए ।
अध्यक्ष नेपालसँगको भेटपछि गौतमले भनेका छन्, ‘पुराना संस्मरणहरू पुनर्जीवित गरियो । नयाँ आकाशतर्फ फेरि हिँड्नपर्छ भन्ने पनि कुरा भयो । अनि आजलाई स्थगित भयो ।’
उनले एकीकृत समाजवादीमा जाने सम्भावना रहेको बताए ।
एकीकृत समाजवादी र नेता गौतम नेतृत्वको अभियानबीच एकता गर्ने छलफल चलिरहेको छ। नेकपा विघटनपछि नेता गौतमले पार्टी एकता राष्ट्रिय अभियान चलाइरहेको छ ।
अध्यक्ष नेपाल र नेता गौतमबीच यसअघि पनि पार्टी एकता गर्नेबारे छलफल भएको थियो ।




















प्रतिक्रिया