काठमाडौं । राजावादीहरुको हिंसात्मक प्रदर्शनप्रश्चात पक्राउ परेका दुर्गा प्रसाईँको बैंक खातामा शंकास्पद कारोबार पाइएपछि नेपाल प्रहरीको केन्द्रीय अनुसन्धान व्यूरो (सीआईबी) ले अनुसन्धान अगाडि बढाएको छ ।
नेपाल राष्ट्र बैंकले प्रसाईंको खातामा शंकास्पद कारोबार पाइएको भन्दै अनुसन्धानको लागि सीआईबीलाई पत्राचार गरेको थियो । राष्ट्र बैंकको पत्राचारसँग सीआईबीले प्रसाईंलाई पक्राउ गरेर नै अनुसन्धान गर्नुपर्ने भन्दै काठमाडौं जिल्ला अदालतबाट अनुमति लिइसकेको छ ।
तीनकुनको हिंसात्मक घटनापछि प्रसाईँ अहिले जिल्ला प्रहरी परिसर काठमाडौँको हिरासतमा छन् । उनीमाथि राज्यविरुद्धको कसुरसँगै आपराधिक उपद्रव, संगठित अपराधमा अनुसन्धान र ज्यान मार्ने उद्योगमा अनुसन्धान भइरहेको प्रहरीले बताएको छ ।
प्रतिक्रिया